दाङ : रूकुमबाट दाङको तुलसीपुरतर्फ आउँदै गरेको यात्रुबाहक फोर्स गाडी दुर्घटना हुँदा २ जनाको मृत्यु भएको छ। राप्ती प्रादेशिक अस्पताल तुलसीपुरमा उपचारका लागि ल्याइएका रूकुम पश्चिमका ६० वर्षीय कमारो कामी र सल्यानको दार्मा गाउँपालिका २ की ३६ वर्षीया ओमपथ खत्रीको उपचारका क्रममा मृत्यु भएको इलाका प्रहरी कार्यालय तुलसीपुरका प्रमुख डीएसपी पुष्पराज मल्लले जानकारी दिए ।
उनका अनुसार तुलसीपुर अस्पतालमा १६ जना घाइतेको उपचार भइरहेको छ। ३ जनाको अवस्था गम्भीर छ। लु २ ख ५७३१ नम्बरको यात्रुबाहक फोर्स गाडी कपुरकोट गाउँपालिका ३ आगर खोला नजिकै दिउँसो ३ बजेतिर दुर्घटनामा परेको थियो ।