दाङको विकासको मेरुदण्ड टरिगाउँ विमानस्थल: अब चुनावी नारामा मात्र सीमित नहोस्

दाङ, असोज– दाङको समृद्धिसँग जोडिएको टरिगाउँ विमानस्थल कुनै एउटा राजनीतिक दल, नेता वा सरकारको मात्र प्रतिष्ठाको विषय होइन। यो समग्र दाङवासीको दशकौँदेखिको अपेक्षा, पश्चिम क्षेत्रको आर्थिक सम्भावना र आम नागरिकको सहज आवागमनसँग जोडिएको अति नै महत्वपूर्ण सार्वजनिक पूर्वाधार हो।

विगत लामो समयदेखि टरिगाउँ विमानस्थल विस्तारका लागि निरन्तर चर्चा भइरहेको छ। विभिन्न चरणमा प्रतिबद्धता व्यक्त गरिए, अध्ययन तथा ठूला योजनाहरू पनि बने। तर, सोचेअनुसार कामले गति लिन नसक्नु र विमानस्थल विस्तार नहुनु आज हामी सबैका लागि गम्भीर समीक्षा र आत्ममूल्यांकनको विषय बनेको छ।

हालै सरकारले टरिगाउँ विमानस्थल विस्तारका लागि बजेट विनियोजन गर्नु निस्सन्देह एक सकारात्मक सुरुवात हो। तर, बजेट विनियोजन हुनु र आयोजना पूर्ण रूपमा सम्पन्न हुनु फरक कुरा हुन्। त्यसैले, बजेट विनियोजन हुनुलाई नै अन्तिम उपलब्धि मानेर ढुक्क हुने अवस्था छैन; यसलाई कार्यान्वयनको ठोस आधार बनाउनु आजको मुख्य आवश्यकता हो।

अब टरिगाउँ विमानस्थललाई राजनीतिक आरोप–प्रत्यारोप, श्रेय लिने प्रतिस्पर्धा वा आगामी निर्वाचनको नारामा मात्र सीमित राखिनु हुँदैन। यसलाई दाङको विकासको असली मेरुदण्ड र पहिचानका रूपमा अघि बढाउन निम्नानुसारका स्पष्ट कदम चालिनुपर्छ:

टरीगाउँ विमानस्थल अब चुनावी भाषणमा मात्र गुञ्जिने नाम होइन, यो समग्र दाङको सान र आर्थिक समृद्धिको मेरुदण्ड हो। यसको शीघ्र र गुणस्तरीय निर्माणका लागि सबै पक्ष एकजुट भई ठोस कदम चाल्न अपरिहार्य देखिएको छ।