सल्यानमा जन्ती बोकेको गाडी दुर्घटना हुँदा १८ जना घाइते
दाङ, ५ चैत । सल्यानमा जन्ती बोकेको गाडी दुर्घटनामा हुँदा १८ जना घाइते भएका छन् ।
बनगाड कुपिण्डे नगरपालिकाको वडा नं. ८ थारादेखि कालिमाटी गाउँपालिकाको लक्ष्मीपुरतर्फ जन्ती बोकेर जाँदै गरेको गाडी दुर्घटना भएको कुपिन्डे नगरपालिकाका प्रमुख कर्ण बहादुर बुढाथोकीले बताए ।
उनका अनुसार गाडी बनगाड कुपिन्डे नगरपालिका वडा नं. १० धाइरेमा दुर्घटना भएको हो ।
दुर्घटनामा घाइते मध्ये तीन जनाको अबस्था गम्भीर रहेको छ । गम्भीर घाइते तीन जनाको जिल्ला अस्पताल सल्यानमा उपचार भइरहेको छ ।
अन्य १५ जनाको भने सुर्खेतको मेहलकुना पठाएको छ । घटनाको थप विवरण आउन बाँकी छ ।
