दिनदहाडै ‘कुटाकुट’: ललितपुरको च्यासलमा युवाहरूबीच झडप, क्षेत्र तनावग्रस्त

ललितपुरको च्यासल क्षेत्रमा दिनदहाडै युवाहरूका दुई समूहबीच कुटाकुट भएको छ। सार्वजनिक सडकमै युवाहरू एकापसमा जाइलागेपछि केही बेर सो क्षेत्रको वातावरण तनावग्रस्त बनेको थियो।

प्रत्यक्षदर्शीका अनुसार सामान्य भनाभनबाट सुरु भएको विवाद उग्र बन्दै जाँदा दुवै पक्षका युवाहरू हातपाई र कुटाकुटमा उत्रिएका थिए। व्यस्त सडकमै दिनदहाडै भएको उक्त घटनाका कारण स्थानीयवासी तथा पैदलयात्रीहरू त्रसित बनेका थिए।

घटनाको जानकारी पाउनासाथ स्थानीय प्रहरी टोली घटनास्थल पुगेको छ। प्रहरी आउनुभन्दा अगावै केही युवाहरू फरार भएका थिए भने घटनामा संलग्न केहीलाई नियन्त्रणमा लिई सोधपुछ सुरु गरिएको छ।

झडप हुनुको मुख्य कारण अझै खुल्न सकेको छैन। घटनामा केही युवाहरू सामान्य घाइते भएको अनुमान गरिएको छ। प्रहरीले घटनाबारे थप अनुसन्धान भइरहेको र दोषीमाथि कडा कारबाही गरिने जनाएको छ।